ليش الناس لما يشوفون قطوه عند باب بيتهم يتنرفزون وفوق هذا يعصبون على الخدم اذا حطولهم الاكل  الزايد عشان مايتعودون على القعده عند باب البيت …بما ان احنا مسلمين لازم نرحم هالحيوانات  

قال رسول الله صلى الله عليه وسلم :- في كل كبد رطبه اجر

 في قطوه انولدت بحديقة بيتنا وتشرب من ماي الزرع بس لانها صغيره وموقادره تاكل من الشارع جسمها وايد ضعيف قررنا نحطلها اكل بمكان معين عشان ماياكلونه عنها القطاوه الكبار ,, وكبرت القطوه شوي وصارت صديقة بيتنا نحطلها اكل وحليب 3 مرات باليوم 

وهالقطوه الصغيره تنام بزاوية بيتنا شكلها يكسر الخاطر ,, فقررنا نسويلها بيت صغير عشان تنام فيه

 

كرتون زيت دلال البيت المثالي :p

 

عشان ترتاح اكثر حطينالها لحاف

 

دبسناه وضبطنا الشكل

 

وطبعا ما نسينا الاسم صك الملكيه ;D

 

 الموقع زاويه ممتازجدا

 منزل مبارك يا دمبو

 

 

اما الي مايحب يخلي الحيوانات تحوس عند باب بيته يقدر يوديهم ملجأ وياخذ فيهم اجر  ,, عندنا بالكويت ملجا للحيوانات الظاله وصاحبة هذا الملجا كويتيه اسمها (عائشه الحميضي) هذا الملجا يحافظ على الحيوانات لحين يتم تبنيها بحيث ياخذ الحيوان تطميعاته بشكل منتظم والحيوانات الي يعانون من امراض يتم فحصهم ومعالجتهم ..  الله يعطيج العافيه يا عايشه وانشالله يكون بميزان حسناتج

 والي حاب يقرا اكثر عن ملجأ الحيوانات يقدر يقرا المعلومات من الموقع

www.kspath.org

Advertisements