دائما كلمه ياحلو طفولتنا وياحلو مسرحياتنا نرددها  بكل عيد لما نشوف المسرحيات الي يقدمونها للاطفال  تافهه وغير هادفه نهائيا

ولكن ردت فيني الروح لما بلغونا شركة زين للاتصالات في لقاء المدونين انهم بيعيدون لنا ايام الثمانينات

كانت فكرتهم في عمل مسرحي هادف يقدم للطفل باسم زين الى عالم جميل حيث  ان العمل باللغه العربيه الفصحه المبسطه و وجهوا لنا دعوه لحضور المسرحيه ,, ماقصرتوا

حتى لو ماكانوا موجهين لنا دعوه انا بنفسي بروح واعيد ايام الطفوله

خل نشوف بعض الصور عن المسرحيه

اختيار ابطال المسرحيه كان موفق خصوصا اختيارهم ( شوجي ) الشخصيه المرحه المتقنه جدا للادوار

بس حسب ماقريت ان اسعار المسرحيه تبدا من 7 دنانير الى 20 دينار ,, اعتقد ان مسرحية اطفال يجب ان تكون باقل من هذا السعر يعني من 7 الى 12 دينار كافي بالنسبه للطفل

موفقين يازين وانشالله يستمر هذا الابداع  الي متعودين نشوفه في الدعايات ,, ومن خلال تواجدنا في لقاء زين للمدونين حبوا يميزونا بعرض حصري وهو دعاية زين اليديده وايد متحمسه اني احطها وتشوفونها وتستمتعون مثل ما استمتعنا فيها

 🙂

Advertisements