بتاريخ 18-8-2011 قامت شركة زين للاتصالات مشكوره 🙂 بدعوتي لحضور حوار مفتوح مع المدير التنفيذي للشركه

وصلت الساعه 9:15 واول مادخلت بدقايق بلشوا الحمدالله مافاتني شي

كل شي موفر لنا  ماواجهتني اي مشكله على الاطلاق فالمواقف كانت متوفره للجميع

لما دخلت كانت الوان شركة زين منوره المبنى

وكان باستقبالنا مجموعه من الموظفين ولاحظت وجود اوبرا كافيه شي وايد حلو

اما بالنسبه للقعده كانت على شكل دائره والفكره وايد حلوه انه نقدر نشوف الكل بسهوله

افتتح الاخ محمد المهيني اللقاء ورحب بالحضور

عرفنا على المدراء الي بيجاوبون على اسئلتنا كل واحد منهم مختص بشي ,, مشكورين وايد على هذا الاهتمام

 الرئيس التنفيذي للقطاع التكنولوجي , المدير التنفيذي لقطاع المبيعات

المدير التنفيذي لقطاع رعاية العملاء, المدير التنفيذي لقطاع التسويق , المدير التنفيذي لقطاع الشبكات , المدير التنفيذي لقطاع العلاقات والاتصالات
المديرة التنفيذية لقطاع تكنولوجيا المعلوماتالمديرة التنفيذية لقطاع خدمات القيمة المضافة
 المدير التنفيذي لقطاع التسويق

بعدها تكلم السيد : خالد  العمر الرئيس التنفيذي للشركه

الحوار معاه كان وايد ممتع واجاباته كانت واضحه للجميع وعطا الكل فرصته في المناقشه كاان يتقبل كل الاسئله وكان عفوي في الرد على الاسئله 

وجه المدونين اسئلتهم والاسئله كانت بعدة مجالات

ومن بعض الاسئله الي شدتني

 ليش شركة زين ما تفتح قناة خاصه فيها مثل قناة الوطنيه ؟-

 

واجابت مي الصالح انه تم طرح عليهم عرض بقناة يتم عرضها بشهر رمضان فقط وبسبب عدم احساس الشركه باهميه هذه الفكره فحاولوا استبدال القناه بعمل مسرحي هادف يعيد ايام المسرح القديم حيث سيتم عمل مسرحيه باسم زين الى عالم جميل وتعرض بالعيد انشاءالله

ليش الانترنت مو قوي في بعض الاحيان ؟-

المشكله قد تكون بالمنزل او المنطقه وليس في الشبكه

لماذا  يحسب علينا فواتيراثناء السفر  على الرغم من عدم الرد على المكالمه؟

لا يحسب اي مبلغ على المكالمه اذا لم يتم الرد عليها اما اذا تم الضغط على زر انهاء المكالمه فيحسب مبلغ

لذا اذا كنت تستخدم خط زين اثناء السفر لا تضغط على زر انهاء عند تلقيك مكالمه , خله يرن لين يسكت ;p

 اما اصغر مدونه لجين فكان سؤالها مميز :متى ينزل ايفون 5 الكويت وهل راح ينزل قبل نزوله بامريكا ؟

انشالله بينزل قريب بعد اعلان شركة ابل عنه

هذه صوره لمدير التسويق واجابته على بعض الاسئله

المدراء اثناء اللقاء

مفاجاة زين لنا كانت دعاية افتح يا سمسم

مي الصالح خذت راينا بدعاية زين اليديده  والكل اتفق ان الدعايه ردتنا لايام الطفوله ممتعه وايد

تم توضيح لنا كيفيه معرفة تفاصيل الفاتوره اونلاين وكيفيه تسجيل الدخول لاستفاده من هذه الخدمه يعني الي يبي يعرف تفاصيل فاتورته بدون مايروح الفرع يقدر يدخل اونلاين 

بعد انتهاء الحوار تعرفت على بلوق  وكانات قمه بالتفاعل وسولفنا عن البلوق واندمجنا بشكل سريع يمكن لانها قريبه من شخصيتي انشالله نلقتي بلقاءات ثانيه 🙂

 بعد انتهاء الحوار  انتقلنا الى قسم خدمة العملاء 107 عشان نشوف طبيعة العمل

لفت نظري ستاند فيه نشرات وفورمه خاصه بالموظفين

بعدها انتقلنا لي استراحة 107 وموفرين لهم الفطور والسحور يعطيهم العافيه

الموظفين لاهين مع العملاء

شوفوا معاي الابتسامه الله يعينهم على ضغط المكالمات

الموظف فضل انه يقط غترته عشان يقدر يستخدم السماعه بشكل مريح هههه

ماشالله عليهم تعودوا على الشغل ويركزون بشيين بوقت واحد الموظف يشوف مبارات ويكلم العميل بدون براحه تامه

مونسين نفسهم ومسوين لهم ورقه يوقعون فيها بكل المناسبات . عندهم رزنامة اعياد ميلاد بعد

واثناء تواجدي في 107 كان هناك حوار صغير بيني وبين عمر العمر حول وظيفة خدمة العملاء ومدى الضغط على الموظفين .. يعطيهم العافيه

وزين طبعا ماينسون احد بما اني ماقدرت احضر الغبقه عطوني هديتي ماقصرتوا

الي ماله اول ماله تالي الهديه وايد حلوه جيس سدو وحلويات كويتيه قديمه 

عجبني الكلام الي مكتوب على الهديه

عساكم على الخير دايمه مجتمعين

ثلاث مواعين فيهم درابيل وغريبه وقرص عقيلي

 

كل مشروك مبروك يا مفن القط المدلل :p

 

اما الهديه الثانيه كانت كبيره وثقيله وشكلها يشوق

همممم تتوقعون شنو بهالصندوق الانيق

ماعون واستكانات وايد حلو واكثر وحده فرحة فيهم امي وتقول شكرا يازين على هالهديه ههه 

 احب اشكر شركة زين على الاهتمام بالمدونين وتواصلهم الدائم معانه

يعطيكم العافيه على هذا المجهود وما ننسا قسم

social media

لهم شكر خاص عساكم على القوه  🙂

Advertisements