كافيه بزه اسم  يجمع بين الحداثه والقدم  حيث كافي و بزه معنى اسم بزه هو اللؤلؤ ياحلو الاسامي القديمه

 مو يايبه الكاميره لان طلعتنا كانت سريعهTHe PHotographer وصلنا المطعم وللاسف

سامحونه على ردائة الصور

الجو متعدل هالجم يوم احترنا نقعد بره لا داخل القعده بره وايد حلوه بس  في شي حلو خلانا نقعد داخل

شوفوا الطاوله على شكله صينيه قديمه بس مقلوبه

دخلنا بيت بزه وخل نشوف شنو بتعشينا

اول ما دخلنا سمعنا الاغاني القديمه بس بطريقه وايد هاديه فقررنا نقعد داخل ونسمع الطرب الاصيل

صوت المغنيه وايد حلو وهادي واختيار الاغاني موفق ( يا سعود , البوشيه ,على خدي احط ايدي ) وغيرهم وايد

  ماودي اتكلم عن روعة  الديكور شوفوه معانه  

ومستخدمين امثال الكويتيه القديمه مثل

احر ماعندي ابرد ماعندك , بو تمبه كسر اللمبه  , كيري ميري

تذكرون هالقوطي ..؟ زيتون معلب  ههههه وايد قديم

 تصفحنا المينيو واستمتعنا بدرب الزلق وكل صفحه كان فيها مثل كويتي

الي بالجدر يطلعه الملاس , عماتكور طاح بالتنور , مثل الدبق بالايدين

العبارات الي مستخدمينها تشرح الصدر يافرحتنا بهالافكار الحلوه

 

بدينا بالجاي والحليب المهيل

 

اسم بزه كان موجود بكل مكان

انا والجعده اخترنا الحليب المهيل وطعمه كام وايد حلو

 

 ماتشرب حليب فطلبت جاي ;p THe PHotographer

هذا بطاط بالطحين لذيذ

 

 

وطلبنا خبز تنور بالدياي والبيديان اختيار موفق

وحلينا بخبز تنور مع قيمر وعسل نااااطع

مرينا بفتره نعاني من الموضفين الي يشتغلون بالمطاعم وايد نفسيه وقليل ما نلاقي اشخاص يبتسمون وقررنا نكافئ كل شخص يبتسم بهديه  بسيطه لما ندفع الحساب نحط ككاوه مع الفاتوره  , دايما نحط ككاوه بالجنطه حق المطاعم  🙂

شوفوا الابتسماعه فعلا هالاشخاص يستاهلون طول الوقت مبتسمين

 المطعم وايد حلو وهادي الاكل خفيف ولذيذ  الي حاب يزوره موجود ب3 اماكن

ريتز السالميه صوب سوق السالميه , شارع الخليج يم ام بي سي , جمعية الشاميه

للاستفسار 1860860

يستحق الزياره وموفقين اشنالله

 

Advertisements