يوم يرسم البسمه على وجوههم البريئه ويزيدهم امل

 الي مسوينها المدونات حق اطفال السرطان GIVE  كتبت قبل جم يوم عن حملة

ماشالله الكل متحمس ومبين هالشي من الهدايا الي يايبينهم كل هديه احلا من الثانيه

 صار يوم الاثنين 3/10 /2011 الي كنا ننطره ومستعدين له وصلنا مستشفى البنك الوطني بالموعد الساعه 10:30 

 مشكورين وايدIYAA , Q8rain  واستقبلونا

 

 المدخل مزين بالبالونات وشخصية بارني الي مو بس اليهال يحبونها حتى انا احبها 😉

واول ما دخلنا لقينا هاللوحه معلقه بالجهه المقابله للمدخل

شفتوا الكم الهائل من الهدايه..؟ ترا هذا جزء لان باجي الهدايه كانو بالاجنحه للاطفال الي مايقدرون ينزلون تحت بسبب الاجهزه

 قدموا هالتيشيرت حق كل المدونات الموجوده بالمستشفى q8printer.comومشكورين

 لبست التيشيرت واستعدت حق التصويرTHe PHotographer

   طلع العده بالتصويرomarker

SAY Cheese 😀

عجبني التنوع بالحفله يايبين انواع وايد من الاشغال اليدويه  تلوين على الويه و عمل اساور من خرز و ورده من الجوخ ونقش الحنه

 اليهال كانوا مستمتعين بالاعمال اليدويه

عمر الاطفال المتواجدين بالمستشفى من سنه لي  15 سنه عسى الله يشافيهم ويصبر اهلهم

يمكن الكل لاهي بمشاغل الحياة والعمل و بس الحمدالله حصلت لنا فرصه ان احنا نشارك الاطفال فرحتهم

كنا حريصين على تشجيع اليهال من خلال استخدام كلمات يحبونها , حطينالهم بعض العبارات بالهدايا تشجيع لهم وشفنا  الابتسامه على ويوهم مجرد ما اهلهم قرولهم الكلمات لان بعضهم صغار مايعرفون يقرون

 بلشنا الحفله وهذي مقدمة البرنامج كانت وايد حليوه ومبتسمه  وتعرف شلون تتعامل مع اليهال

  الاجهزه ما منعتهم من اللعب والمشاركه في المسابقات شجعناهم وحطينالهم بالونات على الجهاز وخليناهم يلعبون 

.

 

 

 

 

 

خلصنا من الالعاب ويينا حق الساحر الي اليهال تفاعلوا معاه بشكل خيالي

هالاميره الحلوه مندمجه واهي تطالع الساحر

 الميني يوقرت كانت فكره ممتازه  ماقصروا فرحوا اليهال لان اليهال غرامهم الايس كريم والاشياء البارده

الكل حب يشارك الاطفال  والكل بادر في توزيع الهدايا واليوقرت

قدموا  ورده  لكل طفل موجود بالمستشفى  واليهال من فرحتهم بالورده راحوا يورونها اهلهم

هالطفل اول واحد ياني عشان ياخذ هديه احتار شنو ياخذ من كثر الهدايا والوانها الحلوه اخر شي صفينا انا وياه على دبدوب صغير

هذي ورده مني حق هالبنوته الحلوه

 تبون تعرفون شقصة هالاميره الحلوه ؟

 هالبنوته اسمها الغلا وانا اسولف معاها قالتلي انها شيطانه وتحب تطق خوانها بالبيت استغربت من كلامها لان غالبا اليهال يخشون شطانتهم جدام الناس

انا طبعا خذيت غلا بالسوالف ابي اقنعها ان ماتطق خوانها الي اصغر منها بلشت معاها

انا : غلا انتي تعرفين الاميره وسنديريلا ..؟

غلا: اي اعرفهم واحبهم بعد

انا: تدرين ان الاميرات ما يطقون الاصغر منهم ؟

غلا: تعابير ويها كلها تغيرت قالتي صج عيل الي تطق ماتصير اميره

انا : لا الاميره تحب خوانها وتدير بالها عليهم وتروح المدرسه

غلا : الاميره تطبخ ؟

انا : توهقت هههه قلت لها اي الاميره تطبخ بس لما تكبر شوي حق خوانها وريلها

غلا: خلاص انا ماني طاقه خواني عشان اصير اميره

شوفوا معاي تعابير ويها هني بالبدايه كانت تسمعني وتفكر

 شوفوا ردت فعلها لما قلت لها عن الاميرات وسنديريلا

بهالصوره قلت لها ان الاميرات مايطقون توهقت لان ودها تكون اميره بالمقابل تبي تطق خوانها لوول

 هني سالتني عن الطبخ

 هني اقتنعت انها تكون اميره بدون ما تطق خوانها

 انشالله نشوفهم المره اليايه باحسن حاله ونفرح فيهم معاريس يا رب

وعسى الله يخفف عنهم و ويشافيهم

واحب اشكر كل الشركات الداعمه لهذه الحمله والي اصروا انهم يشاركون الاطفال

Empress  ,Tuilpiassense  ,@Q8Printer ,@LittleJoyShop ,@solosPn  ,@pick_yo , Easa Husain ALYousifi

شكراً للسيده ماري من KACCH

وشكرا لكل المدونين الموجودين

omarker , Moody n cheeky, BlogLaish, Blog37, PinkGirlQ8 , BerooQ8, 7ajiDude, IYAA Blog,q8Rain

شكرا ايضا للاشخاص الي شاركوا بالهدايا وماقدروا يحضرون

 Anonymous Bloggers, Danderma, Menakon, Fourmee, BerooQ8, Red Sonja, Fashionista, Nezar, 7abtain Blog, Shelsalfa , PinkGirlQ8 , Q8Blend , Qoutuba, BlogNoura, Basma13Cubs , Moodyncheeky, 3ateja, TripleF,

NoonTweets, Bloglaish

Omarker خذيت اسامي  المدونات من اخوي المدون

نشوفكم انشالله الشهر الياي

🙂 

Advertisements