امس كنا محتارين ماندري وين نتعشى ونبي نجرب مطعم مارحناله من قبل

U Grill قلنا خل نجرب

دقيت وحجزت بالوقت الي ابيه عشان ما انطر دور ,, وصلنا المطعم وماشالله عليه اقبال  

 

 استقبلونا بابتسامه وهذا اهم شي بالمطاعم ينشرح صدري لما اشوف الويتر يبتسم بويهي

 المطعم شرح ومختارين الوان فاتحه  عجبني وايد الممر الي حاطينه بالنص

هذي الطاوله من قريب كل طاوله فيها شفاط عشان ريحة الشوي وشوايه بنص الطاوله

 شفاطهم كشخه ماشالله هههه

 احب التفاصيل الي مستخدمينها بكل زاويه بالمطعم ,, حتى صحونهم انيقه وعليها شعار المطعم

 وصل المنيو ,, عندهم منيو المشروبات ومنيو الاطباق الرئيسيه والمقبلات

 بدينا بالخبز مع الزبده بالاضافه الى صحن فيه فلفل اخصر طعمه شويه حالي وايد لذيذ

 يابولنا 3 انواع عصير كل واحد شكله احلى من الثاني

لاحظوا ان الثلج فيه قطع فواكه يميييي berry sparkler

 U-GRILL summer cooler

 hurricane

 تبون رايي .؟ كل عصير طعمه احلى من الثاني والفواكه المستخدمه طبيعيه مو مجمده عشان جذي طعم العصير طبيعي

بدينا بالمقبلات

  الي بيروح المطعم ضروري يجربه لان لذيذ لذيذ لذيذthe great italan antipasti

 aqua zone

يحتوي الطبق على ربيان بالبقصمات , وكالاماري  , سمج مع خلطه الواسابي والمايونيز

يقدم مع 3 انواع من الصلصلات

sweet chili sauce , ginger ,lemon tartar dip

 

 اختيارنا كان للدياي المشوي و لكل طبق مشوي تختارون معاه انواع الاطباق الجانبيه عندهم مجموعه كبيره من انواع البطاط

بطاط مهروس

بطاط مقلي

هذا نوع ثاني من البطاط يقدم مع الكريمه الحامضه

 او تختارون الخضره المشويه ( طبعا انتو تشوونها ) ا

 وصلت عدة الشوي  , مريله و الاداه الي نشوي فيها

 وهذا الدياي مع صلصة الترياكي

اول شي حطينا الزيت على الشوايه عشان نبلش شوي

   بدت بشوي الدياي the je3da

انا كنت اقلب واقولهم اذا استوى ولا لا ( مشرفه ) ;p

ريحة الاكل حلوه

 طاولتنا بعد الاعصار ههه من كثر ما الاكل حلو قضينا علىه الحمدالله على النعمه

استفسرنا عن طريقة استخدام الشوايه بطلها لنا وطلعو يستخدمون صخر الافا

بعد ما خلصنا الاكل حبينا نصور القروب الي يشتغلون بالمطعم ,, جان زين كل الي بالمطاعم مبتسمين مثلهم

في شي لازم اشارككم فيه ,, بعد ما كلينا ويينا بندفع الحساب مدير المطعم شافنا نصور عرف ان عندنا بلوق  مارضا ندفع الحساب وهذا  يدل على كرمهم

Nasser ALIbrahim شكر خاص لمدير المطعم

مشكورين وماقصرتوا استانسنا وايد معاكم وانشالله تكون لنا زياره ثانيه  🙂

 الي حاب يزور المطعم موجود بمجمع اولمبيا السالميه   باخر طابق  وعندهم قعده بره

22268668 : تلفون

www.ugrill.net

Advertisements