كل عام وانا بخير

تاريخ 2-11-2010 اول يوم باشرت عمل بالمدرسه وما انكر اني ماكنت حاطه ابالي اني اصير ابله بيوم من الايام

بس لما طلع اسمي بالتربيه قلت ليش ما اجرب نفسي يمكن احب الشغله رغم المعارضات الي يتني والسلبيات الي قالوها عن التربيه

الحمدالله اول يوم داومت فيه حسيت براحه من القسم الي اشتغل وياه والاداره استقبلتني بابتسامه وهذا شي يفرح

ومع الوقت بديت احب شغلي اكثر وبديت انجز فيه وحاولت اكون بمستوى المدرسات الي معاي لان قسمنا معروف بقلة عدد المدرسات فيه وشطاره بالشرح ماشالله عليهم

وعدى علي شهرين من توظفة ولقيت اسمي معلق بالاداره كمعلم متميز لشهر يناير كان دافع لي اني اشتغل اكثر

وعلى الرغم من ضغط العمل الا اني ما افكر اطلع من مدرستي ولا اغير وظيفتي لاني حبيت ولقيت نفسي كمدرسه

واليوم صارلي سنه ابله ولقيت شي وايد فرحني من طالبه عندي كاتبتلي رساله في بداية الدفتر

و هالورقه الي حاطتها لي طالباتي دانه في بداية الدفتر ونستني وخصوصا انها صادفت اول يوم لي بوظيفتي مشكوره يا دانه

 🙂

Advertisements