السوالف معاكم حلوه واليوم يا ابالي اقولكم عن شي صادفني بهالسبوع

انا عندي دوره بره المدرسه  كل يوم من الصبح لي الظهر ولان الحين وقت انهاء المناهج لازم الصفوف الي انا ادرسها ينشرح لها الدرس يعني المدرسات الي معاي لازم يشرحون للطالبات 🙂  يعطيهم العافيه

انا ماحب احمل احد عبء او شغلي بس هذا شي خارج عن ارادتي

المهم مو هذا موضوعنا !! الموضوع ان الناس تنظر للشخص الي يشتغل انه يساحل مديره او على قولة الكويتيين هذا وراه شي ما يسوي شي لله ؟؟

اكتشفت ان استخدامهم لهذه العبارات ما ياهم من فراغ بس لانهم تعودوا ان الي حولهم ما يشتغلون واذا اجتهد بس يسوي شغله وخلاص مايبادر ويسوي شي يفيد المكان الي قاعد فيه

دام هذا تفكير الناس شلون تبون المجتمع يتطور ويتعدل وعلى فكره حب العمل وتطوير الذات فيه فايده للشخص وللي حوله بنفس الوقت لانه ينقل خبرته للناس الي عايش معاهم 

وفوق انهم ما يشتغلون مايحبون الخير حق غيرهم اذا سمعوا انك مشارك بدوره ولا حاظر ندوه يقولون هذا فاضي وليش تضيع وقتك بهالسوالف  

وعشان  محد يفهم الموضوع غلط انا ما اقصد المدرسات الي معاي بالقسم ولكن هذا شي شفته وقت الدوره الكل متذمر ومايبي يداوم بالدوره باعتبارها عمل اضافي

 

تذكروا دايما ان العمل عباده واتقان العمل شي لابد منه

 

Advertisements