بعد رحلة معانات طويله مع بنك بيت التمويل الكويتي

ما كنت بكتب قصتي معاهم قلت سالفه وخلصت بس بعد ماشفت تعاملهم معاي قررت اكتب 

بعد التخبط الي عانيت منه مع موظفات البنك قررت اشيل حسابي منهم واروح بنك ثاني لما رحت الفرع وطلبت براءة ذمه  الموظفه ما سالت عن سبب تحويل الراتب  🙂 كان الموضوع اخر همها وانا بعد اخر همي ;p

واهي تسوي المعامله قلت لها لو سمحتي لا تحولين راتبي الحين بس ابي براءة ذمه لان معاشي بعد جم يوم ينزل ردت علي وقالت لا ماراح احول راتبج ولا تخافين الراتب بينزل عندنا

على حزت المعاشات انا كنت مسافره  ياني اتصال من الوزاره يقولون رقم حسابج مسحوب ومالج معاش هالشهر تفاجاه من الخبر ولما دقيت استفسرت طلعت الاخت الي سوتلي المعامله شايله حسابي من النظام بكبره بهالشي وقف حسابي بالكامل

المهم رديت من السفر وراجعت نفس الموظفه جان تقولي لا انا ما شلتج ومن هالكلام !!!! لما جيكت بالاوراق طلعت مسويتلي معاملتين بمعامله وحده براءة ذمه وتحويل راتب اهي يمكن كانت نايمه يوم سوت المعامله  فتخيلوا ان مانزلي راتب كامل لي مدة شهر ؟؟؟

وهالراتب المتاخر بينزل شهر 9 الياي  

والبلوه اني لما ادق على خدمة العملاء كل واحد يقولي شي  ومحد فيهم عطاني حل قلت مالي الا اروح الفرع  متصورين ان حتى مدير الفرع  قالي مشكلتهم اليوم احلها وطلع كلام فاضي ؟؟

اذا كان مدير الفرع موعارف شغله  ويساير العملاء الموظفين الي تحته شبيسون ؟

وبس حبيت اقول حق الاشخاص الي ماسكين اكاونت تويتر بيت التمويل لو تكرمتوا ردو على استفسارات الناس لان اسمه موقع تواصل اجتماعي 🙂

كلش مو متحسفه اني طلعت منهم و وداعا بلا عوده

Advertisements