من كثر ما زادت الاسئله على صورة بقشة البطاط  قلنا نكتب لكم الوصفه عجيبه حق رمضان ;p

اول شي نبلش بالحشوه

تقدرون تحطون الي تبونه داخلها بس احنا اخترنا حمسة البطاط

المكونات :

فلفل بارد – بصل – ثوم – بطاط – طماط – زيت زيتون – بهارات هنديه – ثوم بودر – زنجبيل بودر – البصل المجفف ( موجود بمركز سلطان ) – كركم -بابريكا

تحمسون المكونات لين تستوي

اربع اكواب طحين – ثلاث ملاعق اكل زيت – ملعقه متوسطه ملح – كوب و ثلاث ارباع كوب ماء تنخلط المقادير وتخلونها ترتاح شوي

مع الفرد حاولوا ما تخلونها تصير وايد ضعيفه عشان ما تنشق حاولنا نصورلكم سمك العجينه وبعدها بتشوفون بالترتيب طريقة القص

 

 

ولاحظوا ان البقل لازم يكون دربين عشان ما ينقطع وقت الربط

تعدلون الشكل

جذي نكون خلصنا وعليكم بالعافيه 🙂

تسلم اييد امي

Advertisements