رحلتنا للمشاتل 19 Wednesday Oct 2011 Posted by Triple.Sisters in Uncategorized ≈ 2 Comments بلش اسبوع التخضير ورحت المشاتل اشتري حق طالباتي شتلات عشان نزرعهم بالمدرسه وهذي كانت جولتنا وصلنا واحترنا من كثر المحلات مرينا على اكثر من محل واغلب المحلات عندهم نفس الانواع ونفس الاسعار هذا محل مختص بالزرع الصناعي وتزين الحدائق بالعشب الزراعي هذا اول محل دشيناه بس ما اخترنا شي قلنا بناخذ جوله هذا المحل الي شريت منه عجبني لان منوع عنده كل شي وشفت شيرت الليمون لما قربت منها شميت ريحت الليمون شوفوا هالنوع من الشير الصغيره جنهم ناس لامين بعض سبحان الله وهذا الفلفل شكله حلو الوانه تونس بغيت اشتري حق الجعده بما انها ماتعيش بدون الفلفل بس لاني ماحب الفلفل قلت ماني شاريه لول هذي زاويه فيها كل انواع الفواكه والخضره الي تقدرون تزرعونها بالبيت مثل الجرجير والبقدونس والجزروالملفوف والبطيخ وغيرهم وايد وهذي زرعة البصل لما تزرعونها تطلع ورده صغيره ونوعها تطول وايد وماتموت بسرعه بس ماتوقع اني بزرع بصله ;p خلتني وقعدت تصور الورد THe PHotographer انا بلشت باختيار الشتلات هذا العامل اللطيف ساعدني وايد في اختيار نوع زين من الورد خلصنا تشري وبطريجنا حق السياره بعد ما خلصت تشري لما قلناله بنصورك قالنا دقيقه بيبطل الدبه ويمسكها وابتسملنا كانت رحلتنا بالمشاتل ممتعه وايد وفي اقبال كبير من الناس وهذا شي يونس ان الناس يهتمون بالزراعه بالكويت 🙂
زين بالوردي 19 Wednesday Oct 2011 Posted by Triple.Sisters in Uncategorized ≈ Leave a comment ادري انا اخر وحده كتبت عن هالشي 😦 بس كنت وايد مشغوله وموقادره اجابل البلوق بس هالشي لازم احطه بالبلوق لانها مبادره وايد حلوه من شركة زين للاتصالات ارتدت شركة زين للاتصالات الثوب الوردي تضامنا مع حملة سرطان الثدي تعودنا على مشاركتكم للمجتمع يا زين عسى الله يوفقكم 🙂